چم مره نموت…؟
ميسون نعيم الرومي
چم مره نموت
ابسكته وابلا صوت
اوجم مره نطرز الليل
نجمه ابأثر نجمه
واشكثر عبرات
مخنوگه بالصدر
ملهه الصبر
تحبس الونه
***
اشچم حلم مذبوح
ينضح ألم
ينزف حزن
وادموع تچوي بالجفن..
ضاعت ابزحمه
نصفگ الراح ابراح
جرح الگلب ما ينلاح
ضايع أملنه
***
تعلمنه الوجع
من ذاك يوم انولدنه
امغرب اوشايل گمرنه
اسنين العمر ظلمه
العين تربي للبعد
واطيور التحومي اوترد
مكسوره هدهه الوكت
من محنه تطلع محنه
***
ليوين يلتم الشمل
ليوين نبقه اونشتعل
واموجره نار البضلع
ليوين يا دنيه اونصطبر
واسنين تطحن بالعمر
ناعور يفترحاير
يغرف ابدهله اوچنه
ليوين نترجه امن الأمل چلمه
ليوين نرجه امن الفرح مزنه
ليوين .. ليوين ؟
———————————–
حزيران / 2020
ســـــــــــــــتوكهولم
چم مره نموت…؟
Related Posts
مقال
غياب الثوابت الوطنية يفاقم النزاعات . العراق انموذجا ادهم ابراهيم الثوابت الوطنية هي مجموعة من القيم والمبادئ الاساسية التي تربط أفراد المجتمع وتجمعهم تحت راية واحدة تتمثل فيها الهوية الوطنية،…
بغديدا السريانية تستقبل ميلاد طفل المِذود بالثوب الأسود .. ولد المسيح ..هاليلويا .. ܝܠܕܐ ܒܪܝܟܐ
بغديدا السريانية تستقبل ميلاد طفل المِذود بالثوب الأسود .. ولد المسيح ..هاليلويا .. ܝܠܕܐ ܒܪܝܟܐ بِقلم : وسام موميكا_المانيا ܀ “لأَنَّهُ يُولَدُ لَنَا وَلَدٌ وَنُعْطَى ابْنًا، وَتَكُونُ الرِّيَاسَةُ عَلَى كَتِفِهِ،…