واوية ألعراق:
بداية أعتذر من المثقفين الكرام على بعض الأشارات التي تناسب المتحاصصين فقط .. و لسياق الكلام و اللهجة العراقية الدارجة و لإيصال الفكرة بوضوح و بساطة فقط:
الحكاية:
يكلك .. اكو واوي يمر ركض من يم الاسد ويكله طاح حظك ..
ويمر مرة ثانية ويكله طاح حظك ويركض ..
ويمر مرة ثالثة ويعيدها على الاسد , والاسد ساكت ما يرد عليه ..📷📷
اجه النمر وكعد بصف الاسد ..
جان يجي الواوي طاير ويصيح على الاسد “طاح حظك”..
النمر استغرب وسال الاسد :- شبيه هذا الواوي ؟
الاسد جاوب :- ما عليك منه خل يولي !
النمر كال :- والله إذا مر مرة ثانية وعادهه وتجاوز .. إلا الزمه والعن والديه ..
الواوي افتر مرة ثانية ورجع يركض وصاح على الاسد ” طاح حظك ” ..
جان يكمز النمر ويركض ورا الواوي .
الواوي ختل بحفرة بوابتها واسعة لكن مخرجها ضيق كلش .
فالنمر عصى بالحفرة و ما كدر يطلع مثل الواوي .
الواوي حصره حصره للنمر و سواله … شغلات عجيبة و غريبة ..ههههه ما تنحجي!!
وره ساعتين طلع النمر من الحفرة و رجع كعد يم الاسد و سكت ما حجه شي ..
جان يجي الواوي ركض و صاح ” طاح حظكم ”
باوع الاسد على النمر و كاله : ها ولك ؟ بس لا وداك لنفس الحفرة و خلاها بيك !؟📷📷
إيه يامولاي الاسد .. سواها و الله و خلاها للضاليين هالملعون.
رباّط السالفة
ما وصيكم الإنتخابات قربت عود هم رجعوا لنفس صندوق الاقتراع وانتخبوهم هالواوية الحرامية!!!؟
و حطو راسكم بالحفرة ترة يصير بيكم مثل ما صار بالنمر و الأسد
ديروا بالكم ابوي ابوي تره هآلمرة يلبسون ثوب جديد و ياهم ربع يشكون بلا رحمة !!؟
حكمة كونية: [لا تنتخبوا إلا الذي يتعهد بمُقاضاة 500 رئيس فاسد كبير مع 5000 ذيل فاسد وإلا فآلبقية ستحترق أيضا].
ألعارف ألحكيم عزيز حميد مجيد
واوية العراق
Related Posts
مقال
غياب الثوابت الوطنية يفاقم النزاعات . العراق انموذجا ادهم ابراهيم الثوابت الوطنية هي مجموعة من القيم والمبادئ الاساسية التي تربط أفراد المجتمع وتجمعهم تحت راية واحدة تتمثل فيها الهوية الوطنية،…
بغديدا السريانية تستقبل ميلاد طفل المِذود بالثوب الأسود .. ولد المسيح ..هاليلويا .. ܝܠܕܐ ܒܪܝܟܐ
بغديدا السريانية تستقبل ميلاد طفل المِذود بالثوب الأسود .. ولد المسيح ..هاليلويا .. ܝܠܕܐ ܒܪܝܟܐ بِقلم : وسام موميكا_المانيا ܀ “لأَنَّهُ يُولَدُ لَنَا وَلَدٌ وَنُعْطَى ابْنًا، وَتَكُونُ الرِّيَاسَةُ عَلَى كَتِفِهِ،…