شـتـلة دغـل جتـنه لـِفـوْ
شـتـلة دغـل جتـنه لـِفـوْ
ميسون نعيم الرومي
اهـنا يغـيمه التمـر- بالصيـف .. مامطـرت
شتلة دغل جتنه لفو- كل العمر..ما وردت
مثل الحفر بيده الصخر- لا جابت او..لاودت
اهنا يمن
لتجرب امجرب أبد – تنددم تعض ابإيـدك
لعوج أبـد ما ينعدل – ما ينصلح .. ميفيدك
يتحايل اشكال الحيل – والغايه منها..ايصيدك
اهنا يمن
الخاين أبـْـداً ما وفه – والغدر طبعه..اوثوبه
يتستر ابدين اودمع – يحلف يگـول..التوبه
يلعب لعب ما ينحمل – وانت تصير الطوبه
اهنا يمن
لو صدگت مرَّه الچذب – مقبوله .. من طيبك
وانوبه لو صدگت – تستاهل اللي يصيبك
مهضوم تشبع قهر- امحسرتعيش .. ابغيضك
اهنا يمن
راح العمر احسب ولك – واسنين فوگ اسنينك
ما ينفع المال اوذهب – والأرصده متعينك
تلهط اوتجمع سحت – فكر.. التالي .. وينك؟
اهنا يمن
—————————————————-
ســـــــــــــــــــــــتوكهولم
24 / نيسان / 2023
نشر بواسطة المحرر
